Geopark Sunnhordland innstilt til endeleg UNESCO-godkjenning

I det årlege jurymøtet i UNESCO Global Geopark Network i Paris 8. desember 2022 vart Geopark Sunnhordland innstilt til endeleg godkjenning i UNESCO Executive Board. Avgjerda om parken får UNESCO-godkjenning vert tatt på møtet som finn stad i april 2023.

Samarbeidsrådet for Sunnhordland, Universitetet i Bergen og Norges Geologiske Undersøkelser jobba med dette sidan 2015.

«Eit stort arbeid er lagt ned, av mange. Me trur dette skal bli eit sterkt redskap for reiseliv og undervisning i Sunnhordland!» seier dagleg leiar i Geopark Sunnhordland, Brynjar Stautland.

Du finn meir informasjon om geoparken på nettsida til Geopark Sunnhordland.