Visit Norway og turoperatørar opplevde haust i Sunnhordland

I løpet av dei siste vekene har Visit Sunnhordland hatt gleda av å visa fram regionen frå si beste haustside.

Ei gruppe menneske står samla i ein vakker hage omgitt av haustfarga tre og grøne åsar, medan ein guide formidlar noko. Klår hausthimmel og sollys set stemninga i det frodige landskapet.

Først for internasjonale turoperatørar i samarbeid med Visit Hardangerfjord og Innovasjon Norge. Og deretter for innhaldsprodusentane i Visit Norway si SoMe-avdeling. Fellesnemnaren? Slow living, kystkultur og heilårsturisme.

To turar, eitt mål: Å visa fram Sunnhordland som heilårsreisemål

Gjennom to intensive veker fekk både turoperatørar og ein innhaldsprodusent eit nært møte med det Sunnhordland har å by på. Frå historiske kulturminne til moderne matopplevingar, frå UNESCO-geologi til fjordliv i roleg tempo.

Visningstur for turoperatørar: «Slow living by the fjord«

Ei gruppe menneske står samla rundt eit langbord i eit rom med tjukke steinveggar og lågt tretak. På bordet står levande lys og ei stor mugge, medan ein guide fortel engasjert.

Turen er i regi av Innovasjon Norge sitt arbeid med å utvikla heilårsturisme og forlengja sesongen. I Rosendal møttest me saman med Visit Hardangerfjord og to turoperatørar frå Italia, Spania, Frankrike, Tyskland, Sverige, Danmark og Noreg. Turen gjekk vidare ut i Hardangerfjorden og gjennom fleire kommunar i Sunnhordland.

I Rosendal fekk turoperatørane oppleva både Salmon Eye, Rosendal Fjordhotell og ein roleg rusletur i den historiske rosehagen ved Baroniet Rosendal. Deretter gjekk turen vidare til Tysnes og Haaheim Gaard, der Torstein Hatlevik tok imot, før eit innblikk i lokal handelshistorie på E.H. Vaage Landhandel. Frå Tysnes reiste gruppa med båt til Fitjar og Engesund Visningssenter. Der dei fekk lære om akvakultur og kystnæringsliv .

På Stord venta overnatting på Gamle Fengselet Hotell og middag servert av PopUp Norge, som var i regionen under opphaldet. Den siste dagen var sett av til kultur og historie, med besøk på Sunnhordlandstunet og Moster Amfi & kyrkjehistoriske senter. Eit møte med røtene til både regionen og kristninga av landet. Turoperatørane gav mange positive tilbakemeldingar, og fleire uttrykte interesse for å inkludera Sunnhordland i sine framtidige program.

Ei kvinne i historisk drakt formidlar foran ei fargerik og illustrert utstillingsvegg med middelaldermotiv, medan ei gruppe lyttar. Biletet er teke innandørs med dempa belysning.

Julia fortel engasjert om jubileumsutstillinga frå 2024, «Frå makt til rett – kven har makt?»

Foto: Visit Sunnhordland

SoMe-besøk frå Visit Norway: Kystopplevingar i fokus

Ei gruppe personar i gule og svarte flytedrakter og vernebriller sit i ein RIB-båt på sjøen, omgitt av holmar og skogkledde berg under overskya himmel.

Denne veka fekk Visit Sunnhordland også besøk frå sosiale medium-avdelinga til Visit Norway. Målet var å læra meir om kystkulturen og mangfaldet i regionen – noko som vart løyst gjennom ei reise frå Austevoll, Fitjar, Stord og Bømlo.

To personar i kvite forkle står ved ei kjøkkenbenk og lagar mat. Dei skjer grønsaker på skjerefjøler, medan ulike råvarer som sopp, urter og fisk ligg framme i små skåler.

Turen starta i Austevoll med besøk til Stangeland Gård, smaksopplevingar frå Mirabelle og overnatting hos Bekkjarvik Gjestgiveri. Her fekk dei òg vera med på ei guida oppleving i øyriket, arrangert av Bekkjarvik Experience. Derfrå gjekk ferda vidare til Bømlo, med oppstart på Moster Amfi og seinare besøk til Gullvegen Gardstun. Her formidla Anouk Firle den unike geologien i Sunnhordland UNESCO Global Geopark, medan Sindre Larsen fortalde om Stormhyttene og Gullvegen Gardstun. På Stord avslutta dei dagen med overnatting på Stord Hotell og eit forfriskande kveldsbad i Vikjo bad. Den siste dagen vart tilbrakt på Fitjar, med innhaldsrike besøk til Engesund Visningssenter og Kråko, der fokuset låg på kystliv, lokalmat og berekraft.

Takk for innsatsen – no ventar me på resultata

Visit Sunnhordland vil takka alle som bidrog til å visa fram regionen på sitt beste – i lag med lokale aktørar, guidar og gode samarbeidspartnarar. Me ser fram til å sjå kva desse besøka fører med seg av synlegheit, samarbeid og nye reisemoglegheiter.