På karrieremesser i 3 studiebyar i september
Her møter me både avgangsstudentar og nye studentar – og målet vårt er klart: Å løfta fram Sunnhordland som ein attraktiv region å bu og arbeida i.
Dei neste vekene skal Bu i Sunnhordland representere regionen og våre partnarbedrifter på tre sentrale karrieredagar:
- På NTNU i Trondheim – KarriereDagene (vår standdag er 11. september)
- Grieghallen i Bergen – KarriereDagen 2025
- Oslo – Karriereuka på UiO
Først ut er Trondheim og KarriereDagene på NTNU. Torsdag 11. september kan studentar slå av ein hyggjeleg prat og knyte kontaktar med Bremnes Seashore, Leirvik AS, Palfinger Marine AS og Kvinnherad kommune. Her er Bu i Sunnhordland tilstade for å formidle og inspirere studentane til ei framtid i Sunnhordland.
Veka etter står Oslo for tur. 18. september er me tilstade på Universitetet i Oslo for å treffe mogleg framtidige arbeidstakarar og innbyggjarar til Sunnhordland. Her møter me kandidatar og studentar innan ei rekkje fagfelt.
KarriereDagen i Bergen vert arrangert 23. september i Grieghallen. Både Wärtsilä, Palfinger Marine og Bremnes Seashore er med på standen for å knyte til seg framtidig kompetanse – og saman formidle det store spekteret av moglegheiter i Sunnhordland. Bu i Sunnhordland representerer samarbeidsbedrifter og kommunane i Sunnhordland.
Kjenner du nokon som studerer i desse byane? Tips dei – me gler oss til å snakke med dei.
På messene er me godt synlege – sjå etter dette bildet (over).