Visit Sunnhordland • 21.mars 2025
Samling for merket for berekraftig reisemål – to dagar med inspirasjon og læring
19.-20. mars deltok Visit Sunnhordland på nettverksamling for destinasjonar som er med i ordninga Merket Berekraftig Reisemål.
Visit Sunnhordland deltok denne veka på ei to dagar lang samling i regi av merkeordninga for berekraftige reisemål og nettverk for destinasjonsleiing og berekraftig reisemålsutvikling (NDBR). Arrangementet samla representantar frå ulike destinasjonar for å dele erfaringar og styrkje arbeidet med berekraft i reiselivet.
Aase Marthe J. Horrigmo, direktør for reiseliv i Innovasjon Norge opna dagane med ei oppdatering på nasjonale mål og om me er me på rett vei?
Erfaringsutveksling og inspirasjon frå heile landet
Hilde E. Helland, reiselivsansvarleg, og Anne AlmåsTranøy, berekraftsansvarleg, representerte Visit Sunnhordland på samlinga. Under NDBR sin «berekraftskavalkade» presenterte Helland prosjektet «Berekraftig kompetanseheving i Visit Sunnhordland» frå scenen.
Hilde Eide Helland reiselivsansvarleg for Visit Sunnhordland presenterte prosjektet «Berekraftig kompetanseheving for Visit Sunnhordland».
Deltakinga på samlinga understrekar Visit Sunnhordland sitt engasjement for ei berekraftig utvikling av reiselivet i regionen. Gjennom aktiv deltaking i nettverket og deling av eigne erfaringar bidreg me til å styrkje det nasjonale arbeidet med berekraftige reisemål. Sunnhordland vart re-merka som berekraftig reisemål hausten 2024, noko som forpliktar regionen til eit kontinuerleg arbeid for å redusere turismens negative påverknad og styrkje dei positive ringverknadene.
Samlinga inkluderte innlegg og diskusjonar om tema som handteringsevne, klimaavtrykk, attraktive lokalsamfunn og verdiskaping. Desse temaene er sentrale for å sikre ei berekraftig utvikling av reiselivet, der ein tek omsyn til både miljømessige, sosiale og økonomiske aspekt.
Berekraftsnettverket fekk eit guida besøk i det nye kunstmuseumet «Kunstsilo».
Under opphaldet fekk me òg besøkje Kunstsiloen i Kristiansand – eit inspirerande døme på korleis kultur kan spele ei rolle i berekraftig reisemålsutvikling.
Finn heile programmet til samlinga her – Årlig samling for Merkeordningen