Viser turistar vegen til Sunnhordland
Visit Sunnhordland var sjølvsagt tilstade då frontpersonell frå hotell, aktivitetstilbod og transporttilbydarar frå Bergensregionen var samla 7. mai. Her oppdaterer dei seg for å vere best mogleg informert på kva som skjer - slik at dei kan informere turistane på best mogleg måte.
Her oppdaterer dei seg for å vere best mogleg informert på kva som skjer – slik at dei kan informere turistane – på best mogleg måte.
Kvart år samlast dei som møter møter besøkjande til Bergen – anten om dei jobbar som guide, i hotellresepsjonen, på campingplass, på flyplassen eller andre stader. Dei får inspirasjon og informasjon om kva turisten kan gjera når hen er på ferie her. Arrangementet er i regi av Visit Bergen. Det er kort veg frå Bergen til Sunnhordland, og Visit Sunnhordland informerte om alt frå korleis ein kjem seg hit, til kva ein kan oppleve og kor ein kan ete og overnatte.
Presentasjon og besøk på stand
Kick off-arrangementet vart halde på USF Verftet på Nordnes i Bergen. Reiselivsdirektør i Bergen, Anders Nyland opna og ønskte velkommen til dei mange deltakarane.
Etter dette hadde alle utstillarar 2 minutt til rådighet for å presentere sitt produkt eller sin region frå scenen. Alle utstillarane hadde i tillegg rigga stand, slik at deltakarane i etterkant kunne stille spørsmål og få meir informasjon.
Hilde Eide Helland og Anne Synnøve Lønne hadde mange hyggjelege besøk på standen til Visit Sunnhordland.
Mange vegar til Sunnhordland
Frå Bergen er det kort veg til Sunnhordland. Her har turisten mange moglegheiter. Både snøggbåt, ferje, bil og buss og dei ulike innfartsårene var noko av det Hilde E. Helland hadde fokus på frå scena. Når turisten er komen til Sunnhordland er tilbodet og moglegheitene mest uendelege. Frå fjell til fjord – via bre, skog og tettstader.
Velkommen til Sunnhordland!